ᐊᓂᕐᕋᓯᒪᑦᓯᐊᓂᖅ
ᓄᓇᕕᒻᒥ ᐃᓪᓗᖃᕐᓂᒥᒃ ᐱᕙᓪᓕᑎᑦᓯᒋᐊᕋᓱᐊᕐᓂᖅ
ᑕᒡᒎᓇ ᐃᓱᒪᒋᔭᓯᓐᓂᒃ ᐊᑐᕐᑕᐅᔪᑦᓴᖁᑎᓯᓐᓂᓗ ᖃᐅᔨᒐᓱᐊᕐᐳᒍᑦ ᐊᓯᑦᔨᑕᐅᖁᔭᓯᓐᓂᒃ ᐊᓂᕐᕋᓯᓐᓂ ᓄᓇᕕᒻᒥ ᐃᓪᓗᖃᕐᓂᒥᒃ ᐱᕙᓪᓕᒋᐊᕐᑎᓯᒐᓱᐊᕐᓂᒧᑦ.
ᐃᓚᐅᕗᖓ
ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᒪᑭᕝᕕᑯᓪᓗ ᐱᓇᓱᐊᖃᑎᒌᑉᐴᒃ ᐃᓪᓗᓕᕆᓂᕐᒥᒃ ᐱᕙᓪᓕᑎᑦᓯᒋᐊᕋᓱᐊᕐᓱᑎᒃ. ᐃᓚᐅᑎᑦᓯᓱᑎᒃ ᐃᓕᓐᓂᒃ ᐱᓇᓱᐊᕐᓂᒥᓂ, ᑖᒃᑯᐊ ᐊᓯᑦᔨᑐᐃᒍᑎᐅᔪᑦ ᑭᖕᖒᒪᒋᔭᑦᓯᓂᒃ ᑭᐅᑦᓯᐊᓂᕐᓴᐅᖁᑦᓱᒋᑦ.
ᐊᓂᕐᕋᖃᑦᓯᐊᓂᕐᒥᒃ ᐱᓇᓱᐊᕐᓂᖅ ᓱᓇᐅᕙ ?
ᐊᓯᐊᒍᑦ ᐊᐅᓚᑦᓯᓂᕐᒥᑕ ᓯᖁᒥᓯᒪᔪᕐᓂᐊᓂᕐᒥᑕᓗ ᐃᓪᓗᓂᒃ, ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᓵᖕᖓᓯᒍᒪᔪᑦ ᐃᓄᐃᑦ ᑭᖕᖒᒪᒋᔭᖏᓐᓂᒃ ᐃᓪᓗᖁᑎᖏᓐᓂᒃ ᐊᑦᑕᑐᕐᑐᑦ.
ᐃᓚᐅᑎᓪᓗᒋᑦ ᐊᑦᑕᑐᐊᖃᕐᑐᑦ ᐱᓇᓱᐊᖃᑎᐅᑎᓪᓗᒋᑦ ᐱᕙᓪᓕᒋᐊᕐᑎᓯᓂᕐᒧᑦ ᐊᑑᑎᓗᓂ ᑭᓯᐊᓂᐅᔮᕐᒪᑦ ᐃᓚᒌᑦ ᐊᓂᕐᕋᖏᑦ ᐊᓂᕐᕋᓯᐊᖑᖁᓪᓗᒋᑦ.
ᐊᓂᕐᕋᖃᑦᓯᐊᓂᖅ ᐱᓇᓱᐊᕐᑕᐅᓂᖓ ᓴᕐᕿᔮᕐᑎᓯᔪᖅ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᒪᑭᕝᕕᑯᓪᓗ ᐱᓇᓱᐊᖃᑎᒌᓐᓂᖓᓂᒃ ᐃᓚᐅᑎᑦᓯᓱᑎᒃ ᐊᑦᑕᑐᐊᖃᕐᑐᓂᒃ ᑖᒃᑯᐊ ᐊᑐᕐᓗᒋᑦ ᐃᓱᒪᒋᔭᒥᓂᒃ ᑭᖕᖑᒪᒋᔭᒥᓂᓪᓗ ᐊᓪᓚᕕᐅᒍᓐᓇᑐᖅ.
ᐃᓱᒪᒋᔭᒃᑲ ᖃᓄᐃᓘᕐᑕᐅᓛᕐᖃᑦ ?
ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ
ᓄᐊᑦᓯᖃᑦᑕᓚᖓᔪᑦ ᐅᖃᐅᓯᕆᔭᐅᔪᓂᒃ ᒪᑭᕝᕕᑯᓐᓄᑦ ᑐᓴᕐᑎᓯᒍᑎᒋᓛᕐᓗᒋᑦ.
ᒪᑭᕝᕕᒃ ᓇᐅᑦᓯᑐᖃᑦᑕᓂᐊᕐᑐᖅ
ᐊᓯᑦᔨᑐᐃᒍᑎᐅᒍᓐᓇᑐᓂᓪᓗ ᐊᓯᑦᔨᑐᐃᓗᓂ.
ᐅᖃᐅᓯᕆᔭᐅᔪᓕᒫᑦ ᑐᓴᕈᒥᓇᕐᒪᑕ ᐃᓱᒪᒋᖃᓯᐅᑦᔭᐅᒐᔭᕐᑐᑦ.